“Ўздонмаҳсулот” акциядорлик компанияси тизим корхоналари томонидан истисно тариқасида маҳаллий тадбиркорлик субъектларига экспорт қилиш шарти билан биржа савдолари орқали буғдой сотилмоқда.
Буғдой 2019 йил 1 сентябргача 1 тоннасининг бошланғич нархи қўшилган қиймат солиғисиз 1610000 сўмдан, қўшилган қиймат солиғини ҳисобга олган ҳолда 1932000 сўмдан сотилади.
Тадбиркорлик субъектларига “ноль” даражали қўшилган қиймат солиғи ставкасини қўллаш натижасида ҳосил бўлган қўшилган қиймат солиғининг ортиқча суммаси Адлия вазирлиги томонидан 2016 йил 7 апрелда 2775-сон билан рўйхатга олинган Низомга асосан қайтариб берилади.